Tuesday , November 24 2020
Shakeel-Azmi-Poetry
Shakeel Azmi Poetry

Shakeel Azmi Poetry

Shakeel Azmi Hindi Poetry

haar ho jaatī hai jab maan liyā jaatā hai

jiit tab hotī hai jab Thaan liyā jaatā hai

haar ho jati hai jab man liya jata hai

jit tab hoti hai jab Than liya jata hai

Shakeel-Azmi-Poetry
Shakeel Azmi Poetry

Shakeel Azmi 2 Lines Urdu poetry

ḳhud ko itnā bhī na bachāyā kar

bārisheñ hoñ to bhiig jaayā kar

KHud ko itna bhi na bachaya kar

barishen hon to bhig jaya kar

 

Shakeel Azmi 2 Lines Hindi Poetry

apnī manzil pe pahuñchnā bhī khaḌe rahnā bhī

kitnā mushkil hai baḌe ho ke baḌe rahnā bhī

apni manzil pe pahunchna bhi khaDe rahna bhi

kitna mushkil hai baDe ho ke baDe rahna bhi

 

Shakeel Azmi Urdu Poetry

mujh pe hain saikḌon ilzam mire saath na chal

tū bhī ho jaega badnam mire saath na chal

tu nai subah ke suraj ki hai ujli si kiran

main huuñ ik dhuul bharī shaam mire saath na chal

apnī ḳhushiyāñ mire ālām se mansūb na kar

mujh se mat maañg mirā naam mire saath na chal

tū bhī kho jā.egī Tapke hue aañsū kī tarah

dekh ai gardish-e-ayyām mire saath na chal

merī dīvār ko tū kitnā sambhālegā ‘shakīl’

TūTtā rahtā huuñ har gaam mire saath na chal

mujh pe hain saikDon ilzam mere sath na chal

tu bhi ho jaega badnam mere sath na chal

tu nai subah ke suraj ki hai ujli si kiran

main hun ek dhul bhari sham mere sath na chal

apni KHushiyan mere aalam se mansub na kar

mujh se mat mang mera nam mere sath na chal

tu bhi kho jaegi Tapke hue aansu ki tarah

dekh ai gardish-e-ayyam mere sath na chal

meri diwar ko tu kitna sambhaalega ‘shakil’

TuTta rahta hun har gam mere sath na chal

Shakeel Azmi Poetry Urdu

paroñ ko khol zamāna uḌaan dekhtā hai

zamīñ pe baiTh ke kyā āsmān dekhtā hai

milā hai husn to is husn kī hifāzat kar

sambhal ke chal tujhe saarā jahān dekhtā hai

kanīz ho koī yā koī shāhzādī ho

jo ishq kartā hai kab ḳhāndān dekhtā hai

ghaTā.eñ uThtī haiñ barsāt hone lagtī hai

jab aañkh bhar ke falak ko kisān dekhtā hai

yahī vo shahr jo mere laboñ se boltā thā

yahī vo shahr jo merī zabān dekhtā hai

maiñ jab makān ke bāhar qadam nikāltā huuñ

ajab nigāh se mujh ko makān dekhtā hai

 

Shakeel Azmi Poetry Status

mujh pe haiñ saikḌoñ ilzām mire saath na chal

tū bhī ho jā.egā badnām mire saath na chal

tū na.ī subah ke sūraj kī hai ujlī sī kiran

maiñ huuñ ik dhuul bharī shaam mire saath na chal

apnī ḳhushiyāñ mire ālām se mansūb na kar

mujh se mat maañg mirā naam mire saath na chal

tū bhī kho jā.egī Tapke hue aañsū kī tarah

dekh ai gardish-e-ayyām mire saath na chal

merī dīvār ko tū kitnā sambhālegā ‘shakīl’

TūTtā rahtā huuñ har gaam mire saath na chal

Shakeel Azmi WhatsApp Status

kuchh is tarah se mileñ ham ki baat rah jaa.e

bichhaḌ bhī jaa.eñ to hāthoñ meñ haat rah jaa.e

ab is ke ba.ad kā mausam hai sardiyoñ vaalā

tire badan kā koī lams saath rah jaa.e

maiñ so rahā huuñ tire ḳhvāb dekhne ke liye

ye aarzū hai ki āñkhoñ meñ raat rah jaa.e

maiñ Duub jā.ūñ samundar kī tez lahroñ meñ

kināre rakkhī huī kā.enāt rah jaa.e

‘shakīl’ mujh ko sameTe koī zamāne tak

bikhar ke chāroñ taraf merī zaat rah jaa.e

Shakeel Azmi Poetry Lyrics in Urdu

akele rahne kī ḳhud hī sazā qubūl kī hai

ye ham ne ishq kiyā hai yā koī bhuul kī hai

ḳhayāl aayā hai ab rāsta badal leñge

abhī talak to bahut zindagī fuzūl kī hai

ḳhudā kare ki ye paudā zamīñ kā ho jaa.e

ki aarzū mire āñgan ko ek phuul kī hai

na jaane kaun sā lamha mire qarār kā hai

na jaane kaun sī saa.at tire husūl kī hai

na jaane kaun sā chehra mirī kitāb kā hai

na jaane kaun sī sūrat tire nuzūl kī hai

jinheñ ḳhayāl ho āñkhoñ kā lauT jaa.eñ vo

ab is ke ba.ad hukūmat safar meñ dhuul kī hai

ye shohrateñ hameñ yūñhī nahīñ milī haiñ ‘shakīl’

ġhazal ne ham se bhī bahut vasūl kī hai

Shakeel Azmi Poetry Lyrics in Urdu

har ghaḌī chashm-e-ḳharīdār meñ rahne ke liye

kuchh hunar chāhiye bāzār meñ rahne ke liye

maiñ ne dekhā hai jo mardoñ kī tarah rahte the

masḳhare ban ga.e darbār meñ rahne ke liye

aisī majbūrī nahīñ hai ki chalūñ paidal maiñ

ḳhud ko garmātā huuñ raftār meñ rahne ke liye

ab to badnāmī se shohrat kā vo rishta hai ki log

nañge ho jaate haiñ aḳhbār meñ rahne ke liye

Shakeel Azmi Top 10 Urdu Poetry

Read Also –

Sad Poetry for Heart Broken Lovers 2021

5000+ Sad Heart Broken Urdu Poetry in Urdu 2021

About admin

I am the Owner of this Website. By profession, I am a Poet, Lyricist and Content Writer. Connect to me on Social Media.

Check Also

Bulleh-Shah-Poetry

Bulleh Shah Poetry

Bulleh Shah Poetry Baba Bulleh Shah was a Punjabi Islamic Poet and also a Sufi …

Leave a Reply

Your email address will not be published. Required fields are marked *